快餐
以熟賣熟，請McD哥哥仔為我拉個靚花 哥哥仔拉花睇心情 為生活易過點，午飯不煮了。 交由快餐店替我解決吃的，猶勝顧用家傭。 快餐店食的多元，比咖啡店就腳，除食外仲可歇腳、發吽豆。對，我專喺下午茶平食時間蒲頭。 我給天鵝4* 為何食快餐？ 原因係唔想畀酒樓、餐廳的企堂“睥住”，快餐店服務員只執枱，有禮不囉唆，食得自由自在，冇時間限制。 酒樓餐廳味精超勁，令我腸胃不舒適、並且感覺茶葉邋遢有異味，落單度住度住budget唔在講，仲要預加一，皮費重。 快餐連鎖店係社會穩定結構，信不信由你，假如快餐店不再，街上的人即變成無主孤魂 - 無處落腳、辦公、見客、補習做工課、用廁、會友。 常言道，食乜痾乜，今日好多人吃過大樂活焗豬扒飯，咁…好多人啲排洩有機會與我相同。 公道起見，補充一句：蘿蔔青菜，各有所愛。茶餐廳、高級餐廳、大酒樓各有各客路。 寫於金拱門·香港