言猶在耳
40/50年代的戰前舊樓,一層最少住有五、六伙人家,為數大小起碼有三幾十人。
那個時期,由於一般家庭沒有生育計劃,一家有六、七個孩子,十分平常。
言猶在耳……
那個時期,由於一般家庭沒有生育計劃,一家有六、七個孩子,十分平常。
有的佔一間板間房,一家八口同睡一張床;有的住冷巷碌架床,食飯、遊戲、做工課都在床上面…
在這個擠迫環境裡,從早到晚,教仔聲此起彼落...
言猶在耳……
頭房包租婆:
“死仔包!好快啲做埋功課,成日眼光光對住本書,獻世咩!讀唔成書,俾個鞋箱你,做擦鞋仔啦!你學吓二叔婆個仔幾叻吖,人哋年年考第一,你呢?包尾就有份,我生舊叉燒好過生你呀!”💥“嗚嗚嗚……”
中間房張師奶:
“仆街仔,咁多人死唔見你死,砍頭埋牆死啦,食塞米,我辛辛苦苦,十隻手指頭都磨蝕來捱大你,而家淨係識伸大手板攞錢,我搵個仙刮痧都冇呀!冇錢交學費學乜嘢人讀書呀,咪跟人做學師仔搵食囉!” 😖
尾房賣菜婆:
“發瘟女,成日苦瓜乾咁對住我,替死咩!正一爛泥扶唔上壁,信唔信我賣妳去做老嫗…… 而家我瞌一陣,妳跟手洗埋籮衫,倒埋個痰罐,知道未呀👄,死產!”
冷巷燙衫婆:
“嗚嗚嗚……” “即刻同我收聲,死老母都無咁慘,成家人都俾妳喊衰晒。正一陀衰家,冇好帶挈,再喊就同我欄尸疙路。"
閣仔收買老:
你個闔家產,梗係想激死老豆搵山拜!咁無耳性嘅?教極你都唔X聽,又同人打交!?無♂用,信唔信我趕你走,當生少個!”
我們這一輩的孩子,自小受慣冤屈,到出來做工,給老闆罵幾句,簡直濕濕碎,當耳邊風過。